Nýtt á 10x í desember

Við erum á hraðaferð og 10x vettvangur framtíðar heldur áfram að stækka og dafna. Við höfum opnað á sölu á 2,5 - 5 og 10 gígabita á sekúndu nethraða á 12 stöðum í desember, ásamt einum stað sem fær 2,5 gígabita á sekúndu.

13 staðir uppfærðir

Við höfum uppfært búnað og burðarlag með það markmið að stækka þjónustusvæði 10x. Uppfærsla okkar á bylgjulengdarkerfinu á norðausturhorni landsins opnaði á þennan möguleika fyrir Húsvíkinga. Við höfum opnað á sölu fyrir alla nethraða fyrir öll heimili tengd ljósleiðara Mílu á eftirfarandi stöðum:

• Blönduós
• Dalvík
• Egilsstaðir
• Höfn
• Húsavík
• Hveragerði
• Ísafjörður
• Ólafsfjörður
• Sauðárkrókur
• Siglufjörður
• Stokkseyri og Eyrarbakki
• Vestmannaeyjar

Vogar voru uppfærðir í 2,5 gígabita á sekúndu nethraða.

Aukin upplifun og nægt svigrúm

10x tengingar veita nægt svigrúm fyrir nýsköpun, þjónustu framtíðar og næg gæði fyrir þau kröfuhörðustu. 2,5 gígabitar á sekúndu er meira en tvöföldun á nethraða sem heimili þekktu áður. Á næstunni munum við sjá netþjónustu og ný tæki ná að nýta sér þessa auknu bandvídd - sem geta farið vel umfram einn gígabíta á sekúndu á álagspunktum og stytt biðina. Wi-Fi 7 netbeinar eru einmitt farnir að láta sjá sig í verslunum og á þessu ári verða margar fartölvur komnar með  Wi-Fi 7 netkort.

Opið á sölu núna

Við höfum nú þegar opnað á sölu á þessum stöðum og hægt er að fletta þeim upp í Get ég tengst? þjónustunni.