Stofnnet

Hraðbraut er samband sem hentar viðskiptavinum sem þurfa mjög bandvíð sambönd innan höfuðborgarsvæðisins og á völdum stöðum í nágrenni við höfuðborgarsvæðið. 

Verð er óháð vegalengd og er eitt fast verð fyrir hvert samband. 

Bandvídd er fullkomlega frátekin, aðskilin og tryggð, sambærilegt sambandi yfir svartan ljósleiðara. 

Hver lagnaleið er sérhönnuð í samræmi við þarfir hvers viðskiptavinar með það að markmiði að hámarka rekstraröryggi. Öll sambönd og leiðir eru vaktaðar af kerfisvöktun Mílu allan sólarhringinn, alla daga, allan ársins hring. 

Ásamt því að vera í boði á höfuðborgarsvæðinu eru Hraðbrautir í boði á tveimur fullkomlega aðskildum leiðum á Suðurnesjum, sem meðal annars tengja gagnaverið Verna-DC við höfuðborgarsvæðið. Báðar leiðir á milli höfuðborgarsvæðisins og Suðurnesjanna eru með merkjatöf undir 1 ms. Hraðbraut er einnig í boði fyrir gagnaver sem staðsett er á Blönduósi.  

Helstu einkenni og kostir Hraðbrautar

• Bundin við höfuðborgarsvæðið og nágrenni
• Mikil bandvídd
• Verð er óháð vegalengd
• Sambærilegt sambandi yfir svartan ljósleiðara
• Háhraða samtenging á milli höfuðborgarsvæðisins og Suðurnesjanna með lága merkjatöf
• Mikið öryggi - sambandið er vaktað allan sólarhringinn, alla daga, allt árið
• Lagnaleiðir eru sérvaldar til að einfalda viðhald, auka öryggi og bæta yfirsýn
• Í boði eru 1Gb/s, 10Gb/s og 100Gb/s sambönd með Ethernet tengiskilum (portum)
• Einnig eru í boði aðrar tegundir tengiskila eins og FC, allt eftir óskum viðskiptavina
• Mögulegt er að setja upp aðskildar leiðir sem verja hvora aðra

100 Gb Hraðbraut - löng

100 Gb Hraðbraut - löng er samband sem hentar viðskiptavinum sem þurfa mikla bandvídd á milli gagnaversins BDC Mining á Blönduósi og Reykjavíkur. Afhendingarstaður í Reykjavík er Múlastöð, Suðurlandsbraut 28 og á Blönduósi er afhendingarstaður Etix Everywhere Borealis.
Eitt fast verð er fyrir hvert samband. Bandvídd er fullkomlega frátekin, aðskilin og tryggð, sambærilegt sambandi yfir svartan ljósleiðara.
Með það að markmiði að hámarka rekstraröryggi eru lagnaleiðir sérvaldar og öll sambönd og leiðir eru vaktaðar af kerfisvöktun Mílu, allan sólarhringinn, alla daga, allt árið. 

Í fyrsta áfanga verður aðeins ein leið í boði, en á á áætlun er að byggja upp tvær fullkomlega aðskildar leiðir.

Helstu einkenni og kostir 100 Gb Hraðbraut-löng

• Bundin við BDC Mining gagnaverið á Blönduósi og Reykjavík
• Mikil bandvídd
• Verð er óháð vegalengd
• Sambærilegt sambandi yfir svartan ljósleiðara
• Mikið öryggi - sambandið er vaktað allan sólarhringinn, alla daga, allt árið
• Lagnaleiðir eru sérvaldar til að einfalda viðhald, auka öryggi og bæta yfirsýn
• Í boði eru 1Gb/s, 10Gb/s og 100Gb/s sambönd með Ethernet tengiskilum (portum)
• Hægt er að óska eftir öðrum tegundum tengiskila eins og FC, allt eftir óskum viðskiptavina
• Á áætlun er að setja upp aðskildar leiðir sem verja hvora aðra

Sambönd sem byggja á hefðbundinni rásaskiptri gagnaflutningsþjónustu. Ethernetsambönd eru í boði á milli hnútpunkta/tækjarýma í stofnneti Mílu (Ethernet milli stöðva) og frá hnútpunkti/tækjarými til inntakskassa hjá endanotanda (EyK).

Ethernet milli stöðva 

Sambönd milli hnútpunkta / tækjarýma í stofnneti Mílu og eru verð háð vegalengd. Í boði eru 10/100 Mb (FE), 1Gb og 10 GB Ethernet tengiskil. Bandvídd er alltaf frátekin og aðskilin annarri umferð. 

Eiginleikar  

• Fullkomlega frátekin og tryggð bandvídd
• Mögulegt að setja upp vara á aðskildri leið á sömu tengiskilum (SNCP)
• Vari fyrir samband kostar 20 - 50% af verði sambands
• Samböndin eru vöktuð af kerfisvöktun Mílu allan sólarhringinn, alla daga, allan ársins hring

Etnernet milli stöðva hentar meðal annars sem: 

• Burðarnet internets- og sjónvarpsþjónustu 
• Burðarnet farsímaþjónustu, 3G, 4G/LTE og 5G
• Burðarnet öryggisfjarskipta
• Almennar leigulínur 

Ethernet yfir Kopar - EyK 

Ethernet yfir kopar eru sambönd frá hnútpunkti / tækjarými í stofnneti Mílu að inntakskassa hjá endanotanda og eru óháð vegalengd. Í boði eru 10/100 Mb (FE) tengiskil. Bandvídd er samhverf og aðskilin annarri umferð.  

Eiginleikar 

• Nýtir koparlagnir í jörðu og því fljótlegt og auðvelt í uppsetningu samanborið við lagningu ljósleiðara
• Oftast hægt að nýta núverandi innanhússlagnir
• Ekki er þörf á nýjum búnaði hjá endanotanda

Verðskrá

Stofnlínur eru sambönd sem byggja á hefðbundinni rásaskiptri gagnaflutningsþjónustu. Stofnlínur eru í boði á milli hnútpunkta / tækjarýma í stofnneti Mílu (stofnlína) og frá hnútpunkti /tækjarými til inntakskassa hjá endanotanda (aðgangslína)

Stofnlína 

Stofnlína er samband sem liggur á milli hnútpunkta / tækjahúsa í stofnneti Mílu og er verð háð vegalengdum. Í boði eru 64Kb, 256Kb, 512Kb, 2Mb, 45Mb, 155Mb og 622 Mb tengiskil. Bandvídd er alltaf frátekin og aðskilin annarri umferð. 

Aðgangslína

Aðgangslína (stafræn lína) er samband frá hnútpunkti/tækjarými í stofnneti Mílu til inntakskassa hjá endanotanda og er verð óháð vegalengd. Í boði eru 64Kb til 2Mb tengiskil.  Bandvídd er samhverf og aðskilin annarri umferð. Aðgangslína nýtir koparlagnir í jörðu og er sambandið því fljótlegt og auðvelt í uppsetningu samanborið við lagningu ljósleiðara. 

Verðskrá

Í boði eru allir ljósleiðarar sem nú þegar eru til staðar í fjarskiptaneti Mílu og eru ekki skráðir í notkun. Ef um er að ræða tengingar þar sem fara þarf í sérstakar framkvæmdir, þarf að leita eftir tilboðum. 

Ljóslína í stofnneti 

Ljóslína í stofnneti er skilgreind sem ljósleiðari á ljósleiðaratengigrind Mílu á milli tveggja hnútpunkta / tækjarýma innan stofnnets Mílu.   Verð er háð vegalengd og er gjaldfærð vegalengd að lágmarki 1 km.  

Ljóslína í aðgangsneti 

Ljóslína í aðgangsneti er skilgreind sem ljósleiðari frá hnútpunkti / tækjarými innan stofnnets Mílu til inntakskassa hjá endanotanda og er með fast verð óháð vegalengd. Ljóslína í aðgangsneti er án endabúnaðar. 

Verðskrá

Ljósbylgja er samband sem er fullkomlega aðskilið frá öðrum samböndum í kerfum Mílu með frátekna og tryggða bandvídd. Lagnaleiðir eru skipulagðar með það að markmiði að hámarka rekstraröryggi.  

Ljósbylgja er samband sem er fullkomlega aðskilið frá öðrum samböndum í kerfum Mílu með frátekna og tryggða bandvídd, sambærilegt og að um væri að ræða ljósleiðara tengingu (sýndar ljósleiðari).

Lagnaleiðir eru sérstaklega skipulagðar með það að markmiði að hámarka rekstraröryggi og eru öll sambönd og leiðir vaktaðar af kerfisvöktun Mílu allan sólarhringinn, alla daga, allan ársins hring.

Ljósbylgja er í boði á völdum stöðum á landshring og á höfuðborgarsvæðinu. Á öllum stöðum er í boði 100Gb/s tengiskil/bandvídd. Hægt er að óska eftir 25Gb/s, 10Gb/s og 1Gb/s tengiskilum/bandvídd, en afgreiðsla er háð forðastöðu.

Ljósbylgjustaðir Mílu

Helstu kostir og einkenni Ljósbylgju:

• Mikil bandvídd.
• Aðskilin bandvídd á sér ljósrásum.
  
• Tryggð bandvídd.
• Sambærilegt sambandi yfir ljósleiðara (virtual fibre).
• Mikið öryggi, sambandið er vaktað allan sólarhringinn, alla daga, allt árið.
• Hægt er að kaupa aðskildar leiðir sem verja hvor aðra á ljósleiðaralagi.
• Lagnaleiðir eru sérvaldar til að einfalda viðhald, auka og bæta öryggi.

Skammtímasambönd eru sambönd sem hugsuð eru til skammtímaleigu - einn til þrír dagar í einu, t.d. vegna beinna útsendinga frá íþróttaviðburðum eða öðrum viðburðum.

Skammtímatengingar frá sítengdum stöðum 

Skammtímatengingar eru í boði frá sítengdum fyrirfram skilgreindum stöðum t.d. fyrir sýningar frá íþróttaleikjum eða aðrar beinar útsendingar. Sjá nánar í viðmiðunartilboði leigulína, verðskrá í viðauka 2a.1.13-14. 

Lista yfir sítengda staði er að finna í verðskrá.  

Samningsbundnar skammtímatengingar

Samningsbundnar skammtímatengingar frá sítengdum stöðum eru einnig í boði yfir ákveðið tímabil vegna t.d. sýninga frá deildarkeppnum eða aðrar beinar útsendingar. Sjá nánar í viðmiðunartilboði leigulína, verðskrá í viðauka 2a. 1.13-14. 

Aðrar skammtímatengingar 

Míla bíður einnig sérhæfðar tímabundnar skammtímalausnir. Sjá nánar í viðmiðunartilboði leigulína, verðskrá í viðauka 2a 1.15-17.